قصــــــــــــــــــــــايد

سفــــــر
طير مطرود من رحمة طير
وورده وحيد ف ارض شوك
وشجر مسكون بأحزانك
وحزن سكن ناس
وناس ساكناك بالعشم
وحاجات ماهيش منك
ألا قوللى...
مين مشاك
عريان ف الشارع

حرب

ولد
ما بيحبش من الكوتشينه
غير البنت
وهوا بيكره الشايب
بيبص ف عنيها
يخطفها م البرواز....؟

زياد سعيد

ياااااه
ابنك بيكبر اوى اوى
بعد مناقشه
لا بد تكون خسران فيها
...
الواد كبر
جايبلك ف ايده
صورة اول بنت

حطت اول حرف من اسمه على صدرها